ჩაანაცვლებს თუ არა GDS მეცხრე არხს?

ტელეკომოპანია GDS საინფორმაციო მაუწყებლობაზე გადასვლას გეგმავს. როგორც  არხის გენერალურმა პროდუსერმა თემურ გოგოლაძემ განაცხადა, ტელეკომპანიის საინფორმაციო მაუწყებლობაზე გადაყვანა იგეგმება თუმცა ჯერ კონკრეტული ნაბიჯები GDS-ის მენეჯმენტს არ გადაუდგამს.

„ჯერ-ჯერობით ეს არის მხოლოდ სამუშაო ვერსია. კონკრეტული წინადადება, კონკრეტული საქმეები ჯერ არ დაგვიწყია. შესაძლებელია და გეგმაში არის თუმცა კონკრეტული ჯერ არაფერი დაწყებულა“,-განაცხადა „პირველ რადიოსთან“ თემურ გოგოლაძემ

მისივე თქმით ამ ეტაპზე ტელეკომპანიას საინფორმაციო ლიცენზიის მოპოვების თხოვნით კომუნიკაციების მარეგულირებელი კომისიისთვის არ მიუმართავს.

რაც შეხება კომუნიკაციების მარეგულირებელ კომისიას, პრესსამსახურის ინფორმაციით GDS-ს კომისიისთვის განაცხადით ჯერ არ მოუმართავს. ლიცენზიის მოდიფიცირების განხილვას კი 20 სამუშაო დღე სჭირდება. „ჯერ არ შემოუტანიათ განაცხადა. ზოგადად ლიცენზიის მოდიფიცირებას 20 სამუშაო დღე სჭირდება, სჭირდება იმისთვის , რომ საინფორმაციო პროგრამებით იმაუწყებლოს“- განაცხადა კომუნიკაციების მარეგულირებელი კომისიის პრესსამსახურის უფროსმა ხატია ყურაშვილმა

წყარო: www.pirveliradio.ge