"რუსთავი 2"-ის უარი - დებატები არ იქნება

ტელეკომპანია „რუსთავი 2“ თბილისის მერობის კანდიდატებს შორის გამართულ დებატებს პირდაპირ ეთერში არ გადასცემს. როგორც ტელეკომპანიის გენერალურმა დირექტორმა ნიკა გვარამიამ „პირველ რადიოს“ განუცხადა, ტელეკომპანია საკუთარი გადაცემების შეწყვეტას დებატების გამო არ აპირებს, შესაბამისად „რუსთავი 2“-ის ეთერში მერობის კანდიდატების დებატების პირდაპირი ტრანსლირება არ მოხდება.

„ტელეკომპანია“რუსთავი 2“ დებატებს პირდაპირ ეთერში არ გადასცემს. ჩვენ ჩვენი დებატები გვაქვს. ამას გარდა, დებატების დროს ეთერში გადის „კურიერი“ და ჩვენ ვერ შევწყვეტთ საინფორმაციო გამოშვებას დებატების გამო. მათ ეს გადაწყვეტილება მედიის გარეშე მიიღეს. ჩვენს ტელეკომპანიაში დებატები პირდაპირ ეთერში არ გადაიცემა“, - განაცხადა ნიკა გვარამიამ.