საწარმო, რომელიც პირველი პროდუქციის გამოშვებას მიმდინარე წლის ზაფხულიდან დაიწყებს, შპს ,,ჯი არ სი“-ის ფილიალი იქნება რუსთავში და სამშენებლო მასალებს, ე.წ. სენდვიჩ პანელებს აწარმოებს. ,,აწარმოე საქართველოში“-ს ფარგლებში ბიზნესმენებმა ქარხნისთვის საჭირო შენობა, რომლის ღირებულებაც 460000 ლარს შეადგენს, სახელმწიფოსგან სიმბოლურ ფასად - ერთ ლარად შეიძინეს. სამი წლის განმავლობაში, წარმოებაში ორმილიონნახევარი ლარის ინვესტიცია უნდა განხორციელდეს. საწარმოში დანადგარები კორეიდან და ჩინეთიდან შემოდის, ნედლეულის მიღებას, ასევე კორეიდან და თურქეთიდან გეგმავენ. გამოშვებული პროდუქციის 85% საქართველოში გასაღდება, 15% კი, ექსპორტზეა გათვლილი. წარმოების ამუშავების შემდეგ, ქარხანაში დასაქმებულთა საშუალო ხელფასი 500-დან 700 ლარამდე იქნება. პირველ ეტაპზე, წარმოებაში ორმოცი რუსთაველი დასაქმდება.
No comments:
Post a Comment