იმ ადამიანებმა, რომლებიც ახალგაზრდებს უკრაინაში საომრად მოუწოდებენ, საკუთარი შვილებით დაიწყონ და საზოგადოებას მაგალითი აჩვენონ

იმ ადამიანებმა, რომლებიც ახალგაზრდებს უკრაინაში ბრძოლისკენ მოუწოდებენ, საკუთარი შვილებით დაიწყონ და საზოგადოებას მაგალითი აჩვენონ, - ამის შესახებ ბიძინა ივანიშვილმა ტელეკომპანია „იმედთან“ ინტერვიუში განაცხადა. მისი თქმით, ნებისმიერი მსგავსი ტიპის სამხედრო დახმარება, თუ ამის საჭიროება არსებობს, სახელმწიფო დონეზე უნდა გადაწყდეს ზუსტად ისე, როგორც ეს ავღანეთის სამშვიდობო მისიის შემთხვევაში მოხდა.

-ის, რომ სააკაშვილი თავისი მოწოდებით ქართველებს უკრაინაში საომრად ეძახის, და ტელევიზიებმა ეს არასწორი მიმართულებით განავითარეს, არასწორია. საკუთარ შვილებს მოუწოდონ, პირველ რიგში, მათ, ვინც თვლის, რომ ქართველები უკრაინაში უნდა წავიდნენ და იქ დაიხოცონ. ვისაც ამის სურვილი და განცდა აქვს, მათ შორის ჟურნალისტებსაც, საკუთარი შვილებით დაიწყონ, რომ მაგალითი აჩვენონ.

ძალიან ცუდია, ქართველები რომ გარდაიცვალნენ, ისინი ცდილობდნენ ჩვენს მეგობრებს დახმარებოდნენ, მაგრამ მოწოდებები, რომ ქართველები უნდა წავიდნენ უკრაინაში, ჩემი აზრით, არასწორია“, -განაცხადა ივანიშვილმა.