თბილისის მეტრო და რიყის საბაგირო ახალი წლის ღამეს უფასოდ იმუშავებს

თბილისის მეტრო და რიყის საბაგირო ახალი წლის და შობის ღამეს უფასოდ იმუშავებს. ამის შესახებ დედაქალაქის მერიის ტრანსპორტის საქალაქო სამსახურის უფროსმა, პაატა ჯაჭვლიანმა განაცხადა.

„31 დეკემბერს 24:00 საათიდან, 1 იანვრის 04:30 საათამდე და 6 იანვარს, 24:00 საათიდან 7 იანვრის 04:30 საათამდე, მეტროპოლიტენი მუშაობას გაახანგრძლივებს. აღნიშნულ დღეებში 23:00 საათიდან 04:30 საათამდე მგზავრებს უფასო გადაადგილება შეეძლებათ. რაც შეეხება საბაგიროს, 31 დეკემბერს 23:00 საათიდან 1 იანვრის 03:00 საათამდე მგზავრობა უფასო იქნება“, - განაცხადა ჯაჭვლიანმა.