თორნიკე ჯანაშვილი ამბობს, რომ გეგმის მიხედვით სასტუმრო „თორის" დემონტაჟი მოხდება და აშენდება სრულიად ახალი უფრო დიდი სასტუმრო „პარკ ინ თორი" , რომლის მშენებლობა 18 თვეში დასრულდება. ჯამური ინვესტიცია კი, რომელსაც „ბლოკ ინვესტი" ჩადებს, 25 მილიონი დოლარია.
თორნიკე ჯანაშვილის განცხადებითვე, თბილისში კიდევ ერთი სასტუმროს განვითარებას გეგმავენ, რომელიც სასტუმრო შერატონთან მდებარეობს, სასტუმრო 4 ვარსკვლავიანი იქნება და ამერიკული ბრენდი „ბესტ ვესტრენის" სახელით იქნება წარმოდგენილი. ჯანაშვილი ამბობს, რომ სასტუმროს გახსნა წელსვე მოხდება.
„ბლოკ ჯეო ინვესტი" თბილისის გარდა სასტუმროების მშენებლობას რეგიონებშიც გეგმავს. კომპანიის საინვესტიციო დეპარტამენტის ხელმძღვანელის ინფორმაციით, სვანეთში „რედისონ ბლუს" სასტუმროს მშენებლობასთან დაკავშირებით მიმდინარეობს მოლაპარაკებები, ამას გარდა, კომპანიის ინტერესშია სასტუმროების ბათუმში, ქუთაისსა და ფოთში მშენებლობა.
No comments:
Post a Comment