ბათუმის McDonald’s–ი ინოვაციურ ნაგებობათა მსოფლიო ათეულში მოხვდა

ბათუმის McDonald’s–ისა და ბენზინგასამართი სადგურის შენობა ინტერნეტ გამოცემა TED-მა მსოფლიოს 10 ყველაზე ინოვაციურ ნაგებობას შორის დაასახელა. გამოცემამ მსოფლიოში არსებული ინოვაციური ნაგებოები დაასახელა და მათ მომავლის არქიტექტურა დაარქვა. როგორც გამოცემა წერს, ბათუმის McDonald’s–ის შენობაზე წერს, ეს არის ბენზინგასამართი სადგური, სწრაფი კვების რესტორანი, დასასავენებელი პარკი და აუზი.

მიმოხილვაში ნათქვამია, რომ მსოფლიომ არქიტექტურის ახალ ერაში შეაღწია და ბათუმის McDonald’s–ის შენობის გარდა, მსოფლიოში მომავლის არქიტექტურათა შორის დაასახელა ნორვეგიაში ე. წ. ჩრდილოეთის ირმის პავილიონი Tverrfjellhytta reindeer pavilion in Hjerkinn; ესპანეთის ქალაქ სევილიას ცენტრში არსებული ხის უდიდესი სტრუქტურა Metropol Parasol–ი; სოციალური კომპლექსი  პორტუგალიაში  Alcabideche Social Complex; ვინილის

ღია პავილიონი ფლორიდაში მაიამიზე Drift pavilion for Design Miami; საკონცერტო დარბაზი იაპონიაში, მაცუშიმაში Ark Nova; ცენტრალური ტელევიზიის შენობა ჩინეთში; ნიუ–იორკში არსებული პავილიონი Wendy pavilion in Queens; სამხრეთ აფრიკაში, ლიმპოპოს ეროვნულ პარკში ინტერპრეტაციის ცენტრი–  Mapungubwe Interpretation Centre; ბრაზილიაში, რიო დე ჟანეიროში შენობების მხატვრული არქიტექტურა – Favela Painting Project .

როგორც ცნობილია, ბათუმის მაკდონალდსის კომპლექსი გავლენიანმა ინტერნეტგამოცემამ ArchDaily, 2014 წლის საუკეთესო შენობად დაასახელა, გარდა ამისა, Architizer.com-მა იგი 2014 წლის საუკეთესო კომერციულ დაწესებულებათა დიზაინის მქონე შენობებს შორის დაასახელა.