„ვინც ნიკა მელიას ხმას აძლევს, ის ავტომატურად ხმას აძლევს მიხეილ სააკაშვილს“

2014 წლის თვითმმართველობისა და 2013 წლის საპრეზიდენტო არჩევნების კამპანია იყო სამაგალითო, იმ თვალსაზრისით, რომ პოლიცია ამ არჩევნებში არ მონაწილეობდა, – ამის შესახებ პარლამენტის ვიცე-სპიკერმა მანანა კობახიძემ ტელეკომპანია „მაესტროს“ პირდაპირ ეთერში გადაცემაში „დებატები მაესტროზე“ განაცხადა.

მისივე თქმით, ხელისუფლებას საჯარო სამსახურში მყოფი პირები, პედაგოგები და ექიმები წინასაარჩევნო კამპანიის დროს არ გამოუყენებია.

„წინასაარჩევნო კამპანიის დროს საჯარო მოხელეები, პედაგოგები და ექიმები არ მონაწილეობნენ. საკუთარ აპარატშიც კი არ მიკიხავს ვინ ვის აძლევდა ხმას. მხოლოდ 6 მუნიცილაპალიტეტში უპირისპირდება „ქართული ოცნება“ „ნაციონალურ მოძრაობას“, დანარჩენ მუნიციპალიტეტებში „ქართულ ოცნებას“ სხვა ოპოზიციის წარმომადგენელბი უპირისპირდებიან. ნამდვილად არ ხართ მეორე ადგილზე, 20 პროცენტზე ნაკლები მიიღეთ და დანარჩენი სხვა ოპოზიციურმა პარტიებმა მიიღეს. ეს არის მიზერული რაოდენობა. სირცხვილია, როდესაც ძალადობაზე, მუქარებზე და გაყალბებაზე საუბრობს დღეს „ნაციონალური მოძრაობა“ , საზოგადოება ძალიან კარგად ხედავს მათ რეიტინგს. დარწმუნებული ვარ, არჩევნების მეორე ტურში დავით ნარმანია ძალიან სერიოზული სხვაობით მოიგებს მერის არჩევნებს. ამიტომ ყველა ამომრჩეველმა უნდა იცოდეს, ვინც „ნაციონალური კანდიდატს აძლევს ხმას, ის ხმას აძლევს არა მელიას, არამედ სააკაშვილს, ვანო მერაბვისვილს და იმ რეჟიმს რა რეჟიმსაც ეს ადამიანები ქმნიდნენ“, – აღნიშნა მანანა კობახიძემ.