გიორგი გაბუნია: “კურიერის” 4 თანამშრომლის ბინა გაქურდეს, მაგრამ არ გაგვიშუქებია (ვიდეო)

ტელეკომპანია “რუსთავი 2″–ის გადაცემა “არჩევანის” წამყვანი გიორგი გაბუნია, საავტორო გადაცემაში აცხადებს, რომ თუ “რუსთავი 2″–ს

სურდა, რომ ქვეყანაში კრიმინოგენური სიტუაცია “გაებუქებინა”, “კურიერის” 4 თანამშრომლის ბინის გაქურდვის ფაქტს გამოიყენებდა.

აღნიშნულის შესახებ გაბუნიამ მას შემდეგ განაცხადა, რაც საპარლამენტო უმრავლესობის წევრმა გიგა ბუკიამ განაცხადა, რომ 2010 წელთან შედარებით ტელეკომპანიამ 11 მკვლელობიდან, თერთმეტივე გააშუქა, ხოლო 2010 წელს კონკრეტულ პერიოდში მათ არც ერთი მკვლელობა არ გაუშუქებიათ.

ბუკიას თქმით, ტელეკომპანია “რუსთავი 2″ ქვეყანაში სიტუაციას ამძაფრებს და უფრო მეტ ყურადღებას კრიმინალურ შემთხვევებს უთმობს ვიდრე სხვა კეთილშობილურ საქმეს, რაც ქვეყანაში ხდება.

ჟურნალისტმა გიორგი გაბუნიამ პირდაპირ ეთერსში ტელეკომპანიის სახელით განმარტა, რომ “რუსთავი 2″ არ ძაბავს ქვეყანაში სიტუაციას და იგი ყველა ჟურნალისტური ეთიკის დაცვით აშუქებს მოვლენებს ქვეყანაში.