ფილტრების დამონტაჟების პროცესს გარემოსა და ბუნებრივი რესურსების დაცვის მინისტრი ხათუნა გოგალაძე დაესწრო.
როგორც "ინტერპრესნიუსს" გარემოსა და ბუნებრივი რესურსების დაცვის სამინისტროდან აცნობეს, ევროკომისიის ფინანსური მხარდაჭერით 7 ქვეყანაში რეგიონალური პროექტი ,,ჰაერის ხარისხის მართვა ევროპული მეზობლობისა და პარტნიორობის ინსტრუმენტის აღმოსავლეთ რეგიონის ქვეყნებში" მიმდინარეობს.
პროექტის ფარგლებში შეძენილ იქნა ჰაერში სხვადასხვა დამაბინძურებლების (NO2, SO2, ბენზოლი და მიწისპირა ოზონი) კონცენტრაციის გამზომი ერთჯერადი ფილტრები, რომლებიც საქართველოს მასშტაბით (თბილისი, რუსთავი, ბათუმი, ქუთაისი, ჭიათურა, ზესტაფონი და ფოთი) 100 წერტილში განთავსდება. თბილისისთვის კი შერჩეულია 36 წერტილი.
"გარკვეული პერიოდის შემდეგ ფილტრები შეგროვდება, განთავსდება კონტეინერებში და შესაბამისი პირობების დაცვით გაიგზავნება დიდ ბრიტანეთში ლაბორატორიული ანალიზის ჩასატარებლად. საქართველოს 7 ქალაქში ჰაერის ხარისხის მდგომარეობა შეფასდება, რომელიც მნიშვნელოვანია მონიტორინგის ქსელის განვითარების სწორად დაგეგმვისთვის" - აღნიშნულია სამინისტროს განცხადებაში.
No comments:
Post a Comment