"ოცნების" ოფისში ტელევიზების ხელმძღვანელებთან შეხვედრა შედგა

ნიკა მელიას და დავით ნარმანიას „დებატები ნეტრალურ ტერიტორიაზე“ - დღეს ამ საკითხთან დაკავშირებით კოალიცია „ქართული ოცნების“ შტაბში პარტიის წარმომადგენლებმა, სხვადასხვა ტელეკომპანიის ხელმძღვანელობასთან შეხვედრა გამართეს. როგორც ტელეკომპანია "იმედის" გენერალურმა დირექტორმა რეზო საყევარიშვილმა განაცხადა, ეს იყო სამუშაო ტიპის შეხვედრა ექვსი ტელევიზიის წარმომადგენელთან, რომელზეც მათ მოისმინეს კოალიციის შემოთავაზება დებატების შესაძლო ფორმასთან დაკავშირებით.

„ არანაირი კონკრეტული გადაწყვეტილება მიღებული არ ყოფილა, ჩვენ ყველა მხარემ როგორც პარტიამ და ტელეკომოანიების წარმომადგენლებმა ავიღეთ დრო, რომ ჩამოვყალიბდეთ რამდენამდ შეიძლება ერთიანი ფორმატით საარჩვენო დებატების გაკეთება. ჩვენ გვაქვს დრო ჩამოსაყალიბებლად, ჯერ საბოლოო პასუხი ჩავერთვებით თუ არა ამ პროცესში არ გაგვაჩნია, იმის გათვალიწინებით, რომ ეს იყო ზოგადი ფორმატის შეხვედრა და ბევრი დეტალი რომელიც ძალიან მნიშვნელოვანი დებატების გამართვის თვალსაზრისით არ დაკონკრეტუილა, შესაბამისად ამ ეტაპზე გამიჭირდება რაიმე კონკრეტული პასუხის გაცემის“,-განაცხადა რეზო საყევარიშვილმა