ნავთობის ფასი რუსეთისთვის კატასტროფულ მაჩვენებელს უახლოვდება

''შავი ოქროს'' ფასი რუსეთისთის კატასტროფულ მაჩვენებელს უახლოვდება. დღეს დილით ნიუ-იორკის სასაქონლო ბირჟაზე ბარელი ნავთობის ღირებულებამ 92$ შეადგინა, რაც რუსეთის ბიუჯეტს სერიოზულ საფრთხეს უქმნის. ექსპერტთა განმარტებით, ქვეყნის ბიუჯეტი სწორედ ნავთობის ღორებულების სტაბილურობაზეა  დამოკიდებული. მოსკოვს 2014 წლის ბიუჯეტი 100$-იან, მომავალი წლის ბიუჯეტი კი   96$-იან ნიშნულზე ჰქონდა გათვლილი, თუმცა უახლოეს ხანებში მსოფლიო ბაზარზე ბარელის ფასი შესაძლოა 90$-მდე დაეცეს.

შეგახსენებთ, რომ რუსეთის ცენტრალურმა ბანკმა უკვე აღიარა, რომ უახლოეს პერიოდში მსოფლიო ბაზარზე ნავთობი შესაძლოა მკვეთრად გაიაფდეს. ამის გამო კი  ქვეყნის ეკონომიკური განვითარების ახალი გეგმა უნდა შემუშავდეს. იმ შემთხვევაში, თუ ნავთობის გაუფასურების პროცესი გაგრძელდება, რუსეთის შესაძლოა რეცესია დაემუქროს.

წყარო: www.cp.ge